Temos que enseñar ao consumidor o noso sistema de produción

O sistema de produción de avicultura artesanal que estamos a desenvolver coa Galiña de Mos, implica que as nosas galiñas pasen a maior parte das horas do día ao aire libre, sendo criadas fóra de métodos industriais, con poucos exemplares. Este sistema de produción non é comparable ao sistema industrial, onde as aves se crían en grandes naves, con moitos exemplares e prácticas industriais diversas para forzar a maior produción (luz artificial, miles de galiñas xuntas, etc.).
Moitos destes produtos avícolas, en moitas ocasións son etiquetados como "de corral" ou "campeiros", baixo unha etiqueta que simboliza galiñas que se crían ao aire libre, cando isto non sucede.

Unha criadora de Galiña de Mos preséntanos o seu blog


Unha nova criadora de Galiña de Mos, Teresa Gándara, de Vimianzo, preséntanos a súa granxa e o seu blogue, desde o que proporciona información sobre as aves que cría na súa granxa artesá e sobre os seus produtos.

Engadimos o enderezo na barra lateral para unha rápida consulta.

A Galiña de Mos estivo na feira profesional GandAgro

GandAgro é unha feira de carácter profesional, que se celebrou do 13 ao 15 de marzo, sendo visitada por 11.000 persoas. Alí estivemos cun lote de exemplares da nosa raza, repartíndose moita información publicitaria a todos os interesados. Visitáronnos moitas persoas interesadas en comezar na avicultura artesanal, aos que lles explicamos a normativa existente e as características da nosa raza. Repartimos información sobre os datos dos socios de avimós que figuran na nosa web e que teñen exemplares para a venda.



Guiso de pularda con cogomelos e arroz basmati

O día 6 de marzo, o programa Larpeiros, da Televisión Galega, fixo un receita de "Guiso de Pularda con cogomelos e arroz bamati". As pulardas empregadas foron da nosa raza, achegándose ata o concello de Vila de Cruces a adquirilas.
Si queredes ver o programa aquí vos deixamos o enlace http://www.crtvg.es/tvg/a-carta/guiso-de-pularda-con-cogomelos-e-arroz-basmati

Estaremos en GandAgro desde o xoves

Do 13 ao 15 de marzo celébrase a feira GandAgro 2014 no recinto da Feira Internacional de Galicia, en Silleda. Asistiremos coa Federación de razas autóctonas de Galicia - BOAGA, nun stand onde daremos información. Exporase un lote de exemplares da raza.
A feira ten un carácter profesional, debendo acceder ao recinto con invitación. Dispoñemos de invitacións para os socios. Pódense solicitar no teléfono da asociación 988205486 ou ben poñéndose en contacto con nós na mesma entrada da feira.

A raza Galiña de Mos estivo presente no Fórum Gastronómico en diversas actividades

Entre o 23 e o 25 de febreiro celebrouse na cidade da Coruña, o Fórum Gastronómico, evento onde se dan cita os mellores chefs nacionais e moitos dos internacionais.

Nestes tres días houbo varias actividades onde participaron os produtos da nosa raza.

Un ovo de récord

Outro super ovo dunha Galiña de Mos mos atopamos hoxe. Na granxa de Socorro Mallón, en Santa Comba, apareceu un ovo de gran tamaño. Este ovo pesou 139 gr. o que é o de maior tamaño que temos atopado ata o momento, superando en 5 gramos ao que se atopara fai uns anos noutra granxa e do que xa faláramos no seguinte  enlace.
En ocasións as nosas galiñas, principalmente nas fases de inicio da posta, poñen ovos de moito máis tamaño, xa que se forman a partir da unión de varias xemas. Co paso dos días o ciclo da galiña vaise regulando e os ovos, adquiren o seu tamaño normal.
Na imaxe vemos a comparación deste ovo cun de tamaño normal. (Pobre galiña, o que lle debeu costar expulsalo)