XIV Feira de Nadal do Galo de Curral de Vila de Cruces

Este domingo 22 de decembro, celébrase na localidade pontevedresa de Vila de Cruces a XIV Feira de Nadal do Galo de Curral. Organizada polo concello, poranse á venda galos rubios de tipo industrial de engorde rápido e tamén varias unidades de galos obtidos a partir da nosa raza autóctona galega, a Galiña de Mos. Tamén haberá degustacións que ofrecerán restaurantes da localidade. 

Paralelamente a Federación Española de Avicultura, Fesacocur, organiza unha exposición de aves vivas de razas de galiñas españolas.

Los huevos de corral y ecológicos tienen menos contaminantes que los normales

Un estudio realizado en Canarias, con los huevos que allí se consumen, demostró que los huevos de corral y los ecológicos tienen cuatro veces menos contaminantes que los de las granjas convencionales. El estudio fue realizado por la Universidad de Las Palmas de Gran Canaria.

Más información: Canarias7

Unha tapa con Galo Mos gaña o I Concurso de tapas de Castro de Riberas de Lea

En Castro de Riberas de Lea, no concello de Castro de Rei, Lugo, organizouse o I Concurso de tapas entre os días 15 e 21 de novembro. O primeiro premio do xurado profesional foi para a tapa "Saquiño de Galo de Mos con puré de castañas e pataca confeitada", elaborada polo restaurante Río Lea. 

Noraboa.
Máis información: Xornal El Progreso.

Cambio de número de teléfono

Como medida de aforro, damos de baixa o número de teléfono da asociación,o número 988205487. A partir de agora solo estará operativo o número 988205486, no que se recibirán as chamadas para todas as asociacións de criadores de razas autóctonas.

Un galo da raza Mos, mellor galo de raza española en Vegadeo

Os pasados días 16 e 17 de novembro, celebrouse na localidade asturiana de Vegadeo, a X Exposición Internacional de Avicultura "La Pinina". Desde fai uns anos esta exposición, é unha das exposicións avícolas máis importantes de España.

O primeiro premio en razas españolas, foi para un galo da nosa raza propiedade do criador de Avimós, José Luis Rodríguez Santamarina, de Trabada, Lugo. Noraboa.

Xornadas gastronómicas do Galo Mos en Castro de Riberas de Lea

Do 15 de novembro ao 8 de decembro celebraranse unhas novas xornadas do "GALO da RAZA MOS" no restaurante RIO LEA, en Castro Riberas de Lea, concello de Castro de Rei, Lugo. Os galos proceden da granxa "Chousa do Lea".

Bo proveito.

Este domingo en Como o da casa non hai... Galo da raza Mos.

O programa COMO O DA CASA NON HAI é un programa concurso da televisión de Galicia, que se emite os domingos ás 8 da tarde. En cada programa participan tres amantes da cociña, que mostran cadansúa receita tradicional transmitida de xeración en xeración. Iste domingo día 10 de novembro emítese o programa que se gravou fai uns meses en Vilalba, no que participa un produtor de Galiña de Mos que fara un galo da nosa raza á cervexa... Lembrade, o domingo ás 20 horas. Poñemosvos unhas fotos do día da gravación.

Xornadas Gastronómicas do galo Mos en Outes (A Coruña)

Na Casa Perfeuto María, que está en Cabanamoura, no concello de Outes, na provincia da Coruña, celébranse unhas xornadas do Galo Mos ata final de ano. Os galos foron criados na granxa A Pataqueira, propiedade do criador Gervasio Mouro Ares, de Zas.

Máis información aquí.

O sabor da Galiña de Mos engancha.

O xornal El Progreso titula así a información sobre a Exposición e Degustación que se celebrou na parroquia de San Xiao de Mos, en Castro de Rei, Lugo.

A xornada foi un éxito, xa que se superaron amplamente as espectativas. Catro criadores da raza criaron os 200 galos e galiñas que se ofreceron no menú, que incluía ademáis da carne, un ovo de Galiña de Mos frito ademáis de postre de tarta de améndoas e queixo, de produtores locais. Repartíronse máis de 750 menús nunha carpa específica. 

Desde primeiras horas da mañá cociñáronse as carnes e a partir da unha do mediodía comezouse a servir o menú.

Houbo tamén unha exposición de exemplares de Galiña de Mos, na que participaron dez criadores da comarca da Terra Chá e tamén unha exposición de artesanía e de maquinaria antiga.

Expo Degustación da Galiña de Mos

O domingo 27 de outubro, a parroquia de San Xiao de Mos, no concello de Castro de Rei, Lugo, celebra no campo da festa a exposición e degustación

que todos os anos fan para promocionar a nosa raza, que leva o nome do seu pobo.

Un grupo de veciños e criadores organizarán en colaboración co concello de Castro de Rei, unha degustación que se servirá nunha carpa para preto de 1.000 comensais.  

Nunha carpa anexa, haberá exposición de exemplares de Galiña de Mos, de criadores da zona e da comarca da Terra Chá, patrocinada polo concello de Castro de Rei en colaboración con Avimós.

Haberá tamén diversas actividades como unha exposición de maquinaria antiga, feira de artesanía e diversas actuacións que animarán a xornada festiva.

Como chegar: Coordenadas GPS: N-43° 9' 44.36" W-7° 32' 32.78"

Pinchar para abrir google maps.

A Galiña de Mos estivo no mercado SonDaqui

No mercado de San Agustín, na Coruña, celebrouse o día 12 de outubro un mercado de produtos de proximidade, no que houbo diversas actividades entre as que estaban ademáis da venda de produtos agroalimentarios, xornadas científicas co nome "Consume local, consume calidade". 

Ao mercado asistíu a criadora de Galiña de Mos Mari Luz Gómez e o seu fillo Jaime, que venderon ovo da nosa raza.

Tamén houbo un showcooking ofrecido polo restaurador Eduardo Pardo, que cociñou uns galos ofrecidos pola criadora Mariña Grille. Adrián, o seu sobriño, informou aos presentes dos métodos de cría que se lle ofrecen aos galos na súa granxa e o cociñeiro explicou como fixo a preparación das carnes e da súa impresión. O Director Técnico de Avimós, Diego Rois, falou das propiedades da raza e das características das súas carnes.

A xornada foi un grande éxito que demostra o futuro dos circuitos curtos de comercialización.

Sabes a diferenza entre o normal e o natural?

Fantástico vídeo feito en Australia por unha organización que traballa a prol dos animais. Non é necesario saber inglés... enténdese perfectamente.
Lembremos que na avicultura artesanal en Galicia, as aves críanse ao aire libre, de xeito natural.

Normal and Natural from Edgar's Mission Farm Sanctuary on Vimeo.

Resultados de Expolugo 2013

No Pazo de Feiras e Congresos de Lugo celebrouse os días 5 e 6 de outubro, unha nova edición do certame Expolugo. Nesta edición a Deputación de Lugo, a Fundación Feiras e Exposicións de Lugo e Avimós, organizaron un Concurso-Exposición Monográfico provincial da raza Galiña de Mos, no que participaron 40 exemplares. Os resultados foron os seguintes: 

Galo Mos durante a primeira quincena de outubro nun restaurante de Lugo

Desde este venres dia 4 poderase degustar o Galo da nosa raza no restaurante "SAN LAZARO" en Lugo, situado na nacional VI fronte ao Pazo de Feiras e Congresos de Lugo.
Os exemplares proceden da granxa de aviculturá artesá Chousa do Lea, en Castro de Rei, Lugo.

Expolugo 2013

Este fin de semana, os días 5 e 6 de outubro, celébrase no Pazo de Feiras e Congresos de Lugo unha nova edición do certame Expolugo. Nesta edición celébrase un Concurso-Exposición Monográfico da provincia de Lugo da raza Galiña de Mos. Está patrocinado pola Fundación Feiras e Exposicións de Lugo, coa colaboración da Deputación Provincial de Lugo.

A feira é de entrada gratuíta e haberá diversas mostras de gando, venda de produtos alimentarios e outras actividades.

Un estudo indica que as galiñas que se aparean con moitos machos teñen poliños máis resistentes.

Un estudo indica que as galiñas que se aparean con moitos machos, obteñen poliños con máis calidade xenética. Neste estudo feito pola Universidade de East Anglia, no Reino Unido, indícase que as galiñas que se xuntan con varios machos, mediante un mecanismo interno, seleccionan o seme dos diferentes galos que é máis diferente xeneticamente e polo tanto, os polos serán mellores tendo en conta o aspecto xenético, e polo tanto máis fortes.

Desta maneira, cando apareamos un lote de galos e galiñas que naceron do mesmo lote de reprodutores e polo tanto, son medios irmáns, sería unha boa estratexia que existiran varios galos no lote de cría, xa que desta maneira cada galiña seleccionaría o seme que menos características consanguíneas tiveran.

Máis información: Colvet.

Consulta sobre o papel da agricultura familiar na UE

A Comisión Europea ven de poñer en marcha unha consulta sobre o papel da agricultura familiar, co fin de analizar os retos e as prioridades para o futuro, cara este tipo de agricultura. A agricultura e a gandería familiar están especialmente desenvolvidas en moitos dos territorios, especialmente en Galicia, e a nivel das produccións artesanais pensamos que xogan un papel primordial no desenvolvemento da calidade dos produtos agroalimentarios e na sostibilidade do medio ambiente.

Todos os interesados poden participar nesta consulta ata o 11 de outubro no seguinte enlace

O Galo Mos tamén estivo na saída da Volta Ciclista en Sober.

En Sober, na última saída da Volta Ciclista a España en terras galegas, estivo o Galo da nosa raza. Varios cociñeiros de afamados restaurantes da provincia de Lugo, fixeron unha mostra de cociña. Os cociñeiros Martín Mantilla e Emilio Rodríguez do restaurante O Grelo, de Monforte de Lemos, prepararon maki de Galo Mos con Grelos de Galicia e Queixo do Cebreiro, unha arriscada e moderna preparación de sushi co noso galo. Paralelamente o catering da Volta, seguíu preparando o galo asado. Con esta etapa acabou a participación presencial das carnes dos nosos galos, nas cinco etapas galegas. No resto das etapas da Volta repartirase información publicitaria.

Gran acollida das carnes da Galiña de Mos nas saídas da Volta Ciclista a España.

Nos primeiros días de Volta Ciclista a España, nas catro saídas pola provincia de Pontevedra, podéronse degustar os Galos Mos, dentro da promoción que está a facer a Asociación de Hosteleros de Lugo. Deixámosvos unhas fotos dos nosos amigos Rocío de La cocina de mi abuelo e de Oscar Caamaño.

Máis información: La cocina de mi abuelo

As carnes da Galiña de Mos, serán promocionadas de novo nas etapas da Volta a España de ciclismo.

As carnes da Galiña de Mos serán protagonistas durante a Vuelta Ciclista a España un ano máis, grazas á Asociación de empresarios da hostelería de Lugo, que en colaboración coa Xunta de Galicia terán nas saídas das etapas un posto de promoción dos produtos agroalimentarios con indicación de calidade, estando representada a nosa raza coa Ovella Galega. Nas cinco etapas galegas desde o día 24 de agosto, con saídas en Vilanova de Arousa, Pontevedra, Vigo, Lalín e Sober, haberá degustación do galo da raza Mos, xunto coas dos outros produtos de calidade. No resto de etapas, divulgarase a raza con abundante material informativo. Na presentación do acto, o presidente de Avimós, Francisco Monasterio participou en representación das marcas e os produtos de calidade representados nesta edición.

Máis información: E para comer Lugo, La Voz de Galicia, El Progreso

A Feira de Artesanía de Castro de Riberas de Lea, tamén contou con exemplares de Galiña de Mos

A Feira de Artesanía de Castro de Riberas de Lea, en Castro de Rei, na provincia de Lugo, que se celebrou os días 10 e 11 de agosto, tamén contou con exemplares da nosa raza. Neste caso procedían da granxa de avicultura artesá Chousa do Lea, de José Zapata, atendendo aos moitos interesados nas bondades da Galiña de Mos.

A Galiña de Mos estivo na Feira de Artesanía de Outeiro de Rei

Exemplares da nosa raza estiveron na Feira de Artesanía celebrada en Outeiro de Rei o pasado día 6 de xullo. Alí o criador Alberto Fernández Fraga expuxo exemplares da súa granxa. Repartíuse abundante información e houbo moitos interesados.

Arroz cremoso con galo de Mos e San Simón da Costa

A nosa amiga Rocío, do blog la cocina de mi abuelo, déixanos no seu blog esta entrañable receita de arroz cremoso con gallo de Mos y San Simón da Costa. Que a disfrutedes.

Imaxes dos premiados na Semana Verde

Imaxe en grupo dos premiados na Semana Verde:

Pódense ver máis imaxes individuais no seguinte enlace.

Moitas vendas no mercado da Galiña de Mos na Semana Verde

Dentro do mercado da Galiña de Mos, celebrado na Semana Verde, houbo récord de asistencia, xa que participaron 16 criadores das catro provincias galegas, que tiñan inscritos case catro mil poliños. Finalmente entraron á feira tres mil polos de idades comprendidas entre un e tres meses. Pese a que non se agotaron o número de exemplares, as vendas foron moi numerosas e os contactos feitos con outros interesados, garanten a boa saúde da raza para o futuro.

Moitos contactos comerciais e institucionais na Semana Verde

Con motivo da Semana Verde fixéronnse moitos contactos comerciais, tanto a nivel de comercializadores de produtos cárnicos coma de interesados en adquirir animais vivos.

Tamén estivemos moi activos coa prensa, xa que os medios de comunicación estiveron moi interesados nas actividades que se fixeron coa Galiña de Mos e o futuro da raza.

Cinco productores da raza presentaron os produtos en Salimat

No Salón da Alimentación e do Atlántico Salimat, que se celebrou con motivo da Semana Verde 2013, cinco produtores de Galiña de Mos presentaron os produtos das súas granxas artesanais e das súas marcas comerciais. Foron as granxas, Aves do Concello, de Francisco Monasterio (de Vilalba, Lugo), Castro de Madrosende, de María José Castro e Nicolás Castro (de Vila de Cruces, Pontevedra), Chousa do Lea, de José Zapata (de Castro de Rei, Lugo), Soutodeherville, de Marcos Pichel (de Mos, Pontevedra) e Vicogalo, con David Sueiro (de Vila de Cruces, Pontevedra).

Presentáronse canais de galos, galiñas e pulardas, o despece destas producións, ovos e como novidade salchichón e chourizo de Galiña de Mos.

A Galega e TVE fixeron reportaxes sobre a Galiña de Mos na Semana Verde

O programa A Revista e Labranza da TVG e Agrosfera en TVE, fixeron reportaxes sobre a presencia da Galiña de Mos na Feira Internacional Semana Verde de Galicia.

Pódese consultar as reportaxes nas seguintes enlaces: A Revista do do día 13 de xuño, a partir do minuto 33.

Labranza do día 23 de xuño.

O programa Agrosfera do 15 de xuño, a partir do minuto 27.

Varios aspectos importantes sobre a nosa raza foron analizados nas Xornadas Técnicas das razas autóctonas.

O sábado 15 e o domingo 16 de xuño celebráronse en Silleda, dentro da Semana Verde, unhas Xornadas Técnicas sobre as razas autóctonas. O domingo foi o día da Galiña de Mos, onde o Director Técnico da asociación, Diego Rois, falou sobre as Características dos galos da raza Mos fronte aos industriais, con diferentes sistemas de cría, das Normas básicas de manexo na Galiña de Mos, para unha correcta crianza na produción avícola artesanal e das Novidades do Programa de Conservación da Galiña de Mos e das normativas actuais e futuras. Posteriormente celebrouse a asamblea anual de criadores.

Estas interesantes ponencias, serán impartidas de novo en vindeiras ocasións debido ao interés mostrado polos criadores que non poderon asisitir.

Un lote de galiñas do concello de Tordoia (A Coruña) gaña o II Concurso por lotes Semana Verde 2013.

No II Concurso por lotes de Galiña de Mos celebrado na Semana Verde 2013, resultou vencedor un lote de Galiñas de Mos da criadora Cruz Lucía Grille Negreira, do concello de Tordoia, A Coruña. O segundo lugar foi para Alejandro Collazo Casal, de Mos, Pontevedra e o terceiro posto, foi para o lote de Diego Estévez Nieto, de Vilar de Barrio, Ourense.

Os lotes foron valorados polos xuíces e veterinarios oficiais da Xunta de Galicia, D. Cástor José Rivero e D. Julio Feijóo.

Máis información:  Semana Verde, Faro de Vigo